Здружение ЕСЕ

ЕСЕ

   Здружение за еманципација, солидарност и еднаквост на жените.

 

 

  • Приоритети

    Во периодот 2020-2024 година, Здружението ЕСЕ ќе работи на следниве приоритети:

    Вклучување на граѓаните во процесите за планирање, спроведување и евалуација на законските регулативи, буџетите и услугите во областа на социјални и економски права.

    Обезбедување еднаков пристап до правда во областа на социјални и економски права.

    Унапредување на фискалната транспарентност на институциите во областа на социјални и економски права.

    ПОВЕЌЕ...

  • Стратегиски приоритет 1: Вклучување на граѓаните во процесите за планирање, спроведување и евалуација на законските регулативи, буџетите и услугите во областа на социјални и економски права

    ЕСЕ ќе работи на зајакнување на капацитетите на локални и национални граѓански организации за спроведување на методологиите за социјална отчетност и правно зајакнување, вклучително и на ромските организации, организациите кои работат во областа на здравството, организациите кои работат на родова еднаквост и вработување и организациите кои работат со различни маргинализирани групи. Преку ваквата работа граѓанските организации ќе бидат во можност да ги зајакнуваат и мобилизираат заедниците со кои работат во насока на зајакнато учество на граѓанските организации и на граѓаните во барањето отчетност од владините институции

    ПОВЕЌЕ...

  • Стратегиски приоритет 2: Обезбедување еднаков пристап до правда во областа на социјални и економски права

    ЕСЕ ќе продолжи да работи на правно зајакнување на луѓето и сиромашните и ранливи заедници, за да преземат проактивна улога во решавањето на нивните правни проблеми. Ќе го поддржиме и спроведувањето на економски исплатливи алтернативни начини за решавање на незадоволените правни потреби на населението. Ќе продолжиме да ги зајакнуваме капацитетите на граѓанските организации даватели на правни и параправни услуги и да го промовираме концептот на параправници во заедницата како неформален механизам за обезбедување правна помош и пристап до правда за сиромашните, маргинализираните и ранливите групи во нашето општество.

    ПОВЕЌЕ...

  • Стратегиски приоритет 3: Унапредување на фискалната транспарентност на институциите во областа на социјални и економски права

    ЕСЕ ќе работи на подигање на јавната свест и информираноста на граѓаните преку обезбедување информативни и образовни содржини поврзани со фискалната транспарентност и потребата за буџетирање според приоритетите, што ќе придонесе кон зајакнување на капацитетите на граѓаните да го разберат и да го практикуваат нивното право на пристап до јавни информации, подобро разбирање за начинот на кој функционира јавниот систем, подобро разбирање на информациите кои ги обезбедуваат јавните институции, како и користење на таквите информации за да се бара отчетност од властите.

    ПОВЕЌЕ...

 

 

 

03.04.2020  

КОМЕРЦИЈАЛИЗАЦИЈАТА НА ЗДРАВЈЕТО ЗНАЧИТЕЛНО НЕГАТИВНО ВЛИЈАЕ ВРЗ НАШЕТО ЗДРАВЈЕ

Намалувањето или пак замрзнувањето на јавните трошоци за јавно здравство имаат значително влијание врз инвестициите, надоместување на социјалните бенефити, платите во форма на намалување   на   бројот   на   кревети   во   болниците,   финансирање   засновано   на   активности, затворање   на здравствени установи и укинување на одредени здравствени услуги... помеѓу останатите работи. Ваквите кратења на средствата недаваат можност на Властите да располагаат со поголем износ на средства кои ќе ги инвестираат во инфраструктура и за здравствени потреби, со што ги отвораат вратите за поголем број на приватни инвестиции. 

Приватните компании и меѓународни приватни групации, како што се Fresenius, ORPEA, Korian, Coliseum и Ramsay, купуваат институции, услуги   и гранка на активности и со тоа ги наметнуваат своите правила врз работењето на целиот здравствен сектор. 

Без разлика дали станува збор за „сребрена економија“ за секоторот кој обезбедува услуги за возрасни граѓани или за сочниот приватен пазар на осигурување за хоспитализација и здравствени услуги, медицински истражувања, фармацевтската индустрија, сето тоа има една цел, а тоа е профит за сопствениците, многу повеќе од интерес за општо јавно здравје.

Недостатокот на заштитна опрема, неорганизираноста на здравствените системи, непотребните истражувања,  недостигот   на   лекови... кризата   што   ја   доживуваме   денес,   ни   ги   покажува недостатоци во здравствениот систем и зошто е потребно тој итно да се промени.

Може ли приватните, профитабилни болници да ги задоволат предизвиците на КОВИД-19? Тие интервенираат само во втора фаза, кога јавните и непрофитните болници ги исцрпуваат сите свои материјални и човечки ресурси, или пак, ја користат слабоста/недовербата во јавниот здравствен систем. 

Приватните осигурителни компании не ги осигуруваат граѓаните од коронавирусот и нема да им дадат приоритет на оние на кои се осигурени да добијат кревет во интензивна нега. Но, како и да е, за  одредено  време  истите  ќе банкротираат  заради  тоа  што  ќе  треба  да  ги  обештетат  своите корисници од ризиците врз здравјето кои сега се реални. 

Здружението ЕСЕ, заедно со Европската мрежа против приватизација и комерцијализација на здравството   и   социјалната   заштита   и   Граѓанското   движење   за   здравје   од   Европа   (ПХМ) потенцираат дека само државно контролиран систем кој овозможува универзален пристап до услугите, заснован на солидарност во финансирањето и задолжително плаќање на осигурување, е доволно јак и ефикасен да го заштити населението од пандемии и штети кои влијаат животите на граѓаните. Особено, напоменуваме дека Европската унија, сите земји-членки и останатите земји од унијата,  задолжително  треба  да ја  преземат  одговорноста  за  неинвестирање  во  превенција  и заштита на здравјето на своите граѓани.

Ја  повикуваме  Европа  да  ги  разгледа  своите  политики  за    обезбедување  на  услуги  и  јавни  набавки, како и буџетските ограничувања наметнати на државите преку поставените буџетски стандарди.

Бараме од секоја Влада да системите на здравствена заштита и социјални услуги, кои се базирани на солидарност, да не подлежат на законите на пазарната економија.   

На 7 април, Светскиот ден на здравјето, се организираат повеќе активности низ цела Европа.  

Оваа година за прв пат Здружението ЕСЕ се приклучува кон петтата по ред кампања на Европската мрежа и ПХМ со која се повикуваат граѓаните, здравствените работници, здруженијата и сл. да се соберат на овој ден на заедничка акција против комерцијализација на здравјето. 

Поради пандемијата COVID-19 ги откажавме сите собири и акции кои значат физички контакт.  Затоа, го повикуваме секој граѓанин да ја покаже својата поддршка преку „ширење солидарност, а не вирус“. 

 

Како? Со акција „бел лист“ на 7 април:

1. Поставете бел лист со слоган на видливо место или направете постер во својот дом 

2. Фотографирајте се себеси со вашите пораки  

3. Поставете ги на социјалните медиуми  

• со додавање на ознаката #health4all

• и упатете ја пораката до вашите политички лидери 

 

Комерцијализацијата на здравјето значително негативно влијае врз нашето здравје

 

Прочитај повеќе во следната публикација:  

Како макроекономските политики влијаат врз расположливите средства за финансирање на јавното здравство во периодот од 2011 до 2018 година?

Информации за контакт: Дарко Антиќ Оваа е-адреса е заштитена од спамботови. Треба да ви е овозможено JavaScript за да ја видите.

 

 

Фискална Транспарентност

Социјална отчетност за родова еднаквост

Човекови права во здравствена заштита

Семејно насилство 

Центар за правна помош

Здравствен информативен центар